Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына мувафыкъ, Къырым Мухтар Джумхуриетининъ бюджет васталары эсабына кредилерини уджузлаштырув механизми вастасынен инновацион (ятырым) лейихалары амельге кечирильмеси ичюн ишханелерге малиевий ярдым косьтерильмеси тертибини мукеммеллештирюв макъсатларында
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 2008 сенеси июнь 18-де къабул олунгъан 912-5/08 санлы Къарарынен (Къырым Мухтар Джумхуриетининъ норматив-укъукъий актлар Топламы, 2008 с., № 6, 466 мад., № 9, 709 мад.; 2009 с., № 5, 353 мад., № 9, 703 мад., № 11, 857 мад., 858 мад.; 2010 с., № 5, 400 мад., № 9, 715 мад., 716 мад., № 12, 2-нджи къ., 1032 мад.; 2011 с., № 3, 1-нджи къ., 156 мад., № 6, 491 мад., № 12, 1-нджи къ., 939 мад.) тасдикълангъан Къырым Мухтар Джумхуриетининъ бюджет васталары эсабына кредилерини уджузлаштырув механизми вастасынен инновацион (ятырым) лейихалары амельге кечирильмеси ичюн ишханелерге малиевий ярдым косьтерильмеси тертиби акъкъында Низамнамесине ашагъыдаки денъишмелер кирсетильсин:
1.1. I болюгининъ 4-нджи пунктында «100 % колеминде» сезлери «200 % къадар колеминде, ондан зияде дегиль» сезлерине денъиштирильсин.
1.2. II болюгинде:
4-нджи пунктында:
экинджи сатырбашы лягъу этильсин;
он дертюнджи сатырбашы лягъу этильсин;
ашагъыдаки мундериджели сатырбашларынен текмилленсин:
«айлыкъларны телев, берги ве дигер меджбурий телевлер боюнджа бордж олмамасы, акъымдаки йылда ишлегенлернинъ микъдары эксильмеси, ерли эмек ресурслардан файдаланув;
хадимлернинъ орта айлыкъ эмек уджретининъ колеми Къырым Мухтар Джумхуриети боюнджа орта айлыкъ эмек уджретинден эксик олмагъан севиеде теминленмеси»;
5-нджи пункт ашагъыдаки тарирде арз этильсин:
«5. Малие ярдымыны эльде этмеге талип ишхане Къырым Мухтар Джумхуриети Юкъары Радасынынъ якъарлыкъ, энергетик ве инновацион сиясет боюнджа Джумхуриет комитесине такъдим эте биле:
1) ишханенинъ реберинен, баш мухасебесинен имзалангъан, ишханенинъ муури къоюлгъан весикъалар:
ариза (ишханенинъ толу адыны, булунув ерини, телефон, факс; джедвельге алынгъан тарихы, ери ве органыны; ишханенинъ тешкилий-укъукъий шекли къайд этильмеси иле; вазифели шахслар акъкъында умумий малюматларны теркип эте);
истисал кучьлери ве мейданлары акъкъында, эм де теджрибе эльде этмеси ве лейиханы амельге кечирюв боюнджа фаалиетини техникий ве тешкилий теминлев имкянлары акъкъында малюматлар;
чыкъарылгъан махсулатнынъ истисал колемлери ве джедвели акъкъында малюматлар;
сонъки эки йыл ичюн контрагент-мемлекетлер къайд этильмеси иле энъ буюк тыш сатым сымарышлары ве Къырым Мухтар Джумхуриети сынъырларындан тыш такъдим этюв колемлери акъкъында малюматлар;
дебит ве кредит борджлары буларнынъ тешкиль олунмасы тарихы къайд этильмеси иле дешифре этильмеси;
хызмет этюв банклары акъкъында малюматлар (адлары, адреслери);
весикъаларны такъдим этюв вакътына йылнынъ ве учь айынынъ сонъки эсап этюв тарихына кельген чалышкъанларнынъ микъдары акъкъында малюмат;
бизнес план (лейиханынъ малие-икътисадий исбаты), Украина икътисадий Назирлигининъ 2010 сенеси июнь 22-де къабул олунгъан 714 санлы эмиринен тасдикълангъан ятырым лейихасынынъ бизнес-планы шеклине аит, Украина адлие Назирлигинде 2010 сенеси август 19-да къабул олунгъан 709/18004 санлы джедвельге алынгъан, ишханенинъ темель ишини теминлев боюнджа тедбирлернинъ исбатлайыджы планы, ишханенинъ истисал фаалиетининъ эсап этювлери ве малиевий ярдымсыз лейиханынъ семерелигининъ косьтергичлери олувынен ве Къырым Мухтар Джумхуриетининъ бюджет васталары эсабына малиевий ярдым косьтерильмесини эсап этерек;
2) весикъаларнынъ асыл нусхалары:
Екяне девлет адлие шахслар ве джисманий шахслары-иш адамлары джедвелинден кочюрме;
малие-креди муэссисенинъ крединен файдаланув бутюн деври ичюн телев микъдары акъкъында эсап малюматы, ишханенен тайин этильген деври ичюн Украина Миллий банкнынъ эсап фияты боюнджа эсап этильген къысмы тайин этильмеси иле;
кредилер боюнджа вакъты чыкъкъан борджу акъкъында малюмат;
берги органынынъ ве Украина Нефакъа фонду органынынъ берги ве дигер меджбурий телевлер боюнджа борджлары олмамасы акъкъында малюматлар;
3) весикъаларнынъ нотариаль тасдикълангъан нусхалары:
креди мукъавелесининъ;
тесис этильген весикъаларнынъ;
Украина ишханелер ве тешкилятлар Екяне девлет джедвелинден малюматлар (ЕГРПОУ);
4) ишханенен лязим тарзда тасдикълангъан весикъаларнынъ нусхалары:
бергининъ телейиджилер девлет джедвели акъкъында шеадетнамелер;
кечкен эки йыл ве акъымдаки эсабат деври ичюн малиевий эсабат (№№ 1, 2, 3) шекиллери;
5) девлет ишнен теминлев хызметининъ органларында тасдикъланган «Бош иш ерлери олувы акъкъында эсабат» № 3-ПН шеклининъ нусхасы.
Шу заман талип ишхане мезкюр Низамнаменинъ I болюгининъ 6-нджы пунктына мувафыкъ Къырым Мухтар Джумхуриетининъ икътисадий инкишафы ве тиджарет Назирлигине, Къырым Мухтар Джумхуриетининъ малие Назирлигине, Къырым Мухтар Джумхуриетининъ саа боюнджа назирликлерине ве джумхуриет комителерине ишханенен лязим тарзда тасдикълангъан, 5-нджи пунктта къайд этильген весикъаларнынъ нусхаларыны такъдим эте»;
7-нджи пункт ашагъыдаки тарирде арз этильсин:
«7. Мезкюр Низамнаменинъ I болюгининъ 6-нджы пунктына мувафыкъ Къырым Мухтар Джумхуриетининъ икътисадий инкишафы ве тиджарет Назирлиги, Къырым Мухтар Джумхуриетининъ малие Назирлиги, Къырым Мухтар Джумхуриетининъ саа боюнджа назирликлери ве джумхуриет комителери такъдим этильген весикъаларны эки афта девамында музакере этелер, керек олгъан заманда буларнынъ акъикъийлигини тешкерелер, ярышманынъ критерилерине лейиханынъ аитлиги ве Къырым Мухтар Джумхуриетининъ саа ве икътисадияты бутюнлей инкишафы ичюн онынъ амельге кирмесининъ семерелиги акъкъында хуляса азырлайлар ве мезкюр хулясаны Къырым Мухтар Джумхуриетининъ якъарлыкъ, энергетик ве инновацион сиясетине ве талип ишханеге такъдим этелер»;
8-нджи пункт лягъу этильсин;
9-нджы пункт ашагъыдаки тарирде арз этильсин:
«9. Къырым Мухтар Джумхуриетининъ якъарлыкъ, энергетик ве инновацион сиясети боюнджа Джумхуриет комитеси хулясаларны эльде эткен сонъ, такъдим этильген весикъаларны огрене ве комиссияда талип ишханеге малие ярдымы такъдим этильмеси акъкъында меселеси музакере этильмесини тешеббюс эте».
1.3. III болюгининъ 2-нджи пункты ашагъыдаки тарирде арз этильсин:
«2. Крединен файдаланув ичюн одюнч паралары Украина Миллий банкнынъ эсап фиятынынъ 200% къадар, ондан зияде олмайып эсап этильмеси аит йылнынъ январь 1-ден декабрь 31-не къадар эда этиле, айны заманда декабрь ичюн одюнч акъымдаки йылнынъ декабрь 31-не къадар бир къысмы теленмеси вастасынен эда этиле.
Крединен файдаланув ичюн файызларны одев колеми акъкъында укюм Комиссиянен Къырым Мухтар Джумхуриетининъ бюджетинде тайинленген макъсатларгъа тахсислернинъ тасдикълангъан колемлеринден чыкъаракъ эр йыл къабул олуна.
2. Мезкюр Къарар «Крымские известия» газетасында дердж этиле.
3. Мезкюр Къарар дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, майыс 23,
№ 818-6/12