«Девлет ве коммуналь мулькиетининъ иджареси акъкъында» Украина Къанунынынъ 19-нджы маддесиндеки экинджи къысмына, 21-нджи маддесине, Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына мувафыкъ
Къырым Мухтар Джумхуриетининъ Юкъары Радасы къарар бере:
1. Къырым Мухтар Джумхуриети Юкъары Радасынынъ 1998 сенеси ноябрь 19-да къабул олунгъан 274-2/98 санлы Къарарынен (Къырым Мухтар Джумхуриетининъ норматив-укъукъий актлар Топламы, 1998 с., № 11, 897 мад.; 2007 с., № 5, 448 мад., № 7, 687 мад., № 10, 1005 мад., № 11, 1144 мад.; 2008 с., № 2, 70 мад., № 5, 377 мад., 386 мад.; 2009 с., № 6, 474 мад., № 9, 683 мад.; 2010 с., № 6, 478 мад., № 9, 713 мад., № 10, 834 мад.; 2011 с., № 4, 288 мад.; 2012 с., № 3, 127 мад.) тасдикълангъан, Къырым Мухтар Джумхуриетине аит мулькиетининъ иджареси (иджареде иджареси) ичюн телевини эсап этюв, такъсимлештирюв ве файдаланув тертиби Усулиетине ашагъыдаки денъишме кирсетильсин:
II болюгининъ 9-нджы пунктында «ве Севастополь ш-де» сезлери «ве Севастополь ш-де, Къырым Мухтар Джумхуриетинде, Севастополь ш-де ве Херсон виляетинде коммуналь хызметлер саасында девлет тертиплештирювини эда эткен Миллий комиссиясынынъ болюгинен, «Яшлар мескен къуруджылыгъына къол тутув Девлет фонду» Девлет махсуслаштырылгъан малие муэссисесининъ Къырым Мухтар Джумхуриетинде региональ идарелигинен» сезлерине денъиштирильсин.
2. Мезкюр Къарар «Крымские известия» газетасында дердж этильген кунюнден арекетке кире.
Къырым Мухтар Джумхуриети Юкъары Радасынынъ Реиси В. КОНСТАНТИНОВ
Симферополь ш., 2012 сенеси, майыс 23,
№ 817-6/12