Постановление ВР АРК (регуляторный акт)

О возмещении процентной ставки банковского кредита предприятиям агропромышленного комплекса, занимающимся выращиванием овощей закрытого грунта, на оплату стоимости природного газа, потребляемого для производства овощной продукции

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 7 пунктларына мувафыкъ, Къырым Мухтар Джумхуриетининъ икътисадияты инкишафы ичюн эльверишли шараитлер яратылмасы макъсатларына мувафыкъ

Къырым Мухтар Джумхуриетининъ Юкъары Радасы къарар бере:

1. Япыкъ топракъта себзелер осьтюрмесинен огърашкъан агросанайы комплексининъ ишханелерине себзе махсулатлары истисалы узерине файдалангъан табий газнынъ фиятыны одемек ичюн банк кредининъ файыздаки параларыны одев тертиби акъкъында Низамнамеси тасдикълансын (иляве этиле)*.

2. Япыкъ топракъта себзелер осьтюрмесинен огърашкъан агросанайы комплексининъ ишханелерине себзе махсулатлары истисалы узерине файдалангъан табий газнынъ фиятыны одемек ичюн банк кредининъ файыздаки параларыны одемесине козьде тутулгъан Къырым Мухтар Джумхуриетининъ 2012 сенесине бюджет васталарынынъ, буларнынъ баш такъсимлейиджиси оларакъ Къырым Мухтар Джумхуриетининъ аграр сиясети ве эрзакъ Назирлиги тасдикълансын.

3. Къырым Мухтар Джумхуриетининъ Назирлер Шурасына авале этильсин:

япыкъ топракъта себзелер осьтюрмесинен огърашкъан агросанайы комплексининъ ишханелерине себзе махсулатлары истисалы узерине файдалангъан табий газнынъ фиятыны одемек ичюн банк кредининъ файыздаки параларыны одев меселелери музакере этильмеси боюнджа Ярыш комиссиясынынъ фаалиети тертиби тайинленген тертипте тасдикълансын;

мезкюр тертиплештириджи актнынъ акъибетини 2012 сенеси девамында незарет этюв, 2013 сенесининъ февраль айында незарет этювнинъ нетиджелери «Крымские известия» газетасында дердж этильсин.

4. Япыкъ топракъта себзелер осьтюрмесинен огърашкъан агросанайы комплексининъ ишханелерине себзе махсулатлары истисалы узерине файдалангъан табий газнынъ фиятыны одемек ичюн банк кредининъ файыздаки параларыны одемек ичюн еллангъан Къырым Мухтар Джумхуриетининъ бюджет васталарындан макъсатлы файдаланув узеринден незарет Къырым Мухтар Джумхуриети Юкъары Радасынынъ Эсап этюв болюгине авале этильсин.

5. Мезкюр Къарар эда этильмеси узеринден незарет Къырым Мухтар Джумхуриети Юкъары Радасынынъ топракъ, аграр меселелери, экологик ве мемурий-территориаль къурулышы боюнджа Даимий комиссиясына авале этильсин.

6. Мезкюр Къарар дердж этильген кунюнден арекетке кире.

Къырым Мухтар Джумхуриети Юкъары Радасынынъ Реиси В. КОНСТАНТИНОВ

Симферополь ш., 2012 сенеси, майыс 23,
№ 814-6/12

______________

*Къарар Илявесиз дердж этиле.